Icelandair óskar eftir að ráða flugfreyjur og flugþjóna til starfa í millilandaflugi fyrir sumarið 2024. Um er að ræða tímabundin störf í 100% starfshlutfalli frá 1. júní - 31. ágúst með möguleika á áframhaldandi starfi.

Við sækjumst eftir einstaklingum sem eru tilbúnir að vinna í líflegu umhverfi þar sem öryggi og framúrskarandi þjónusta eru höfð að leiðarljósi. Við leitum af glaðlyndu og skemmtilegu fólki sem vinnur vel í fjölbreyttum teymum, er lausnamiðað og hefur metnað til að ná árangri í starfi.

Hvetjum þig til að kynna þér vel starfið sjálft með því að skoða eftirfarandi síðu:

https://www.icelandair.com/is/um-okkur/flugfreyja-flugthjonn/
• Fyrstu námskeið fyrir sumarstörf 2024 hefjast 15. ágúst næstkomandi.
• Þau sem hafa starfað áður hjá Icelandair en eru ekki með gild réttindi þurfa að sækja um í þessum umsóknargrunni.
• Umsóknargrunnur þeirra sem hafa gild réttindi og reynslu hjá Icelandair verður auglýstur síðar.

Hvað þarf til:
• Reynslu af þjónustu- og/eða... umönnunarstörfum
• Mjög góða íslensku- og enskukunnáttu, önnur tungumálakunnátta er kostur
• Framúrskarandi samskiptahæfni og góða færni í teymisvinnu
• Jákvætt viðhorf og metnað til að ná árangri í starfi
• Fæðingarár 2004 eða fyrr

Áður en til ráðningar kemur þurfa umsækjendur að standast læknisskoðun samkvæmt reglugerð flugmálayfirvalda og þjálfun Icelandair.

Umsóknum þurfa að fylgja eftirfarandi gögn:
• Ferilskrá
• Kynningarbréf
• Umsagnaraðilar
• Afrit af vegabréfi þar sem sést útgáfudagur, gildistími og vegabréfsnúmer

Þau sem hafa gild réttindi (attestation) frá öðrum flugrekanda en Icelandair þurfa einnig að skila inn eftirfarandi gögnum:
• Afrit af Attestation of Initial Training
• Afrit af heilsufarsskírteini (medical certificate)
• Afrit af staðfestingu á síðasta flugi
• Afrit af Crew Visa

Í ferlinu verður tekið mið af jafnréttisáætlun fyrirtækisins og markmiðum IATA um að stuðla að jöfnun á hlutfalli kynja í flugiðnaði. Við samsetningu hópsins verður lögð áhersla á fjölbreytni og breidd hvað varðar kyn og aldur. Í samræmi við jafnréttisstefnu Icelandair ehf. og lög nr. 150/2020 eru einstaklingar af öllum kynjum hvattir til að sækja um.

Búast má við að ráðningarferlið taki nokkra mánuði. Öllum umsækjendum verður svarað.

Nánari upplýsingar má fá á netfanginu: ccstarf@icelandair.is
Hafnarfjörður Iceland

Fonolive Jobs - icelandair Jobs